Чингис хаан, монголчууд ба Монтесько-- Монголчуудын түүхийг эсрэг тоглогчид нь бичсэн-- Амар амгаланг Монгочууд авчирч байсан-- Хүмүүний ёс суртахууны заяагдмал-- Дорноос өрнийг бараг тулалдалгүйгээр эрхэндээ оруулсны учир-- Чингис хаан ухаалаг хуулийг умартсан

Бидний сайн мэдэхээр "Чингис хаан" хэмээх нэр нь "Агуу их хаан" гэсэн утгыг илэрхийлдэг. Монголчууд түүнийг Дорно Азийн уудам тал нутгаас Европын төв хүртэлх өргөн уудам газар нутгийг нэгтгэн, Монголын эзэнт гүрнийг байгуулсан улс төрийн болон цэргийн гарамгай удирдагчийн хувиар хүндэтгэн дээдэлдэг. Чингис хааны үзэл санаа нь Монголын төр оршин тогтнох үндэс суурь болж, ард түмний өдөр тутмын амьдралд ч жам ёсны салшгүй нэгэн хэсэг нь болон илэрдэг. Түүний үзэл санаа, үйл хэрэг нь Монголын түүхийн тулгуур багана төдийгүй нийт ард түмний итгэл үнэмшил, оюун санааны гол эх булаг хэмээн тодорхойлогддог. Иймээс Монголын оюун санааны зарчим, нийгмийн амьдралын үндсийг бүрдүүлж буй Чингис хааны сургааль, үзэл баримтлал нь Монголын эрх зүйн онол, зарчимд ч гүн гүнзгий нөлөө үзүүлсэн байх нь гарцаагүй гэх бодол төрж байна.