Оршил-- А-- Б-- В-- Г-- Д-- Е-- Ё-- Ж-- З-- И-- К-- Л-- М-- Н-- О-- Ө-- П-- Р-- С-- Т-- У-- Ү-- Ф-- Х-- Ц-- Ч-- Ы-- Э-- Ю-- Я-- Тайлбарт нэрс-- Хутагт сайн цагийн мянган бурханы алдар-- Санскрит гаралтай нэрийн тайлбар-- Төвөд гаралтай нэрийн тайлбар-- Хятад гаралтай нэрийн тайлбар-- Түүхэн хүмүүсийн нэрийн тайлбар

Нэрээ бүтэн байлгах насан туршийн хичээл зүтгэлийн дотор, хэлний талаас нэрийнхээ утга учир, зөв бичлэгийг мэдэх явдал нэн түрүүнд багтана. Тус шалтгаанаар, аливаа улс үндэстнүүд өөр өөрийн хэл бичгээр нэрийн зөв бичлэгийг боловсруулан жигдэлж, журамлах толь бичиг нийтэлдэг бөгөөд эх баримтыг бүртгэн цуглуулах, уйгагүй эрэл хайгуул хийхээс эхлээд олон зүйлийн ном бичгээс шүүн лавлах, үндэс суурьтай шалгуур зарчим тогтоож, ахин дахин тунгаан нягтлах зэргээр зохиогчдоос нөр хүч хөдөлмөр, туршлага мэдлэг шаарддаг тул байнга шинэчлэн нэмж зассаар байдаг. Тэрхүү толь бичгийн ач холбогдол нь гагц зөв бичихээр хязгаарлагдах бус, түүнчлэн нэрийн утга учир, гарал, бэлгэдлийг мэдэх, хорвоод мэндэлсэн хүүхдэд нэр өгөх лавламж болох төдийгүй, зарим талаар хэл ба нийгэм, хүн судлалын чухаг бүртгэл мэдээллийг агуулсан судалгааны хэрэглэгдэхүүн болдог байна. Тус нэрийн тольд Хутагт сайн цагийн мянган бурханы алдар, санскрит гаралтай нэр, төвөд гаралтай нэр, манж гаралтай нэр, хятад гаралтай нэр, бусад хэлнээс гаралтай нэр, түүхэн хүмүүсийн нэр төвөд, санскрит хэлээр монгол хадмалт тайлбартайгаар 30000 гаруй нэр оржээ.