Оршлын оронд буюу өнөө цагийн нийгмийн байдлын тухайд-- 1. Үндсэн хууль дахь парламентийн эрх мэдэл, хэрэгжилт шийдэл-- Бяцхан дурсамж-- Асуудлууд, санал-- 2. Үндсэн хуульт ёс ба ардчилал-- Үндсэн хуулийн "холч" байдлын тухайд-- Үндсэн хуулийн шалгуурын тухайд-- Ардчиллын хэлбэр ба эрх мэдлийн хуваарилалт-- Ардчиллын загвар хийгээд Монголын ардчиллын тухайд-- 3. Хууль дээдлэх ёс ба эрх зүйт төр, ардчилал-- 4. Төв засаг, нутгийн удирдлагын харилцаа ба ардчилал-- Төв, орон нутгийн удирдлагын харилцаа-- Хяналт тэнцвэрийн тогтолцоо-- Чиг үүргийн хуваарилалт-- 5. Иргэний нийгэм, эрх зүйт төрийн харилцаа ба ардчилал-- Иргэний нийгэм ба төр-- Иргэний нийгмийн тодорхойлох нь-- Иргэний нийгмийн үүрэг-- Иргэний нийгмийн үйл ажиллагааны цар хүрээ-- Иргэний нийгэм ба эрх мэдэл-- 6. Монголын нийгмийн шинэчлэл, түүний социал орчин, социал соёл-- 7. Эдийн засаг ба ардчилал-- 8. Сонгуулийн тогтолцооны хөгжлийн чиг хандлагын тухайд-- Онол, арга зүйн үндэслэл-- Мажоритар тогтолцооны хэлбэрүүд-- Пропорционал төлөөллийн тогтолцоо-- Холимог тогтолцоо-- Сонгуулийн тогтолцооны шинэчлэлийн тухайд-- Сонгуулийн менежментийн тухайд-- 9. Улс төрийн намын эрх зүйн орчны шинэчлэлийн тухайд-- 10. Үндэсний ухамсар, ёс суртахууны тухайд-- Ашигласан тамериал

Ардчилал дэлгэрч, монгол хүн өмчтэй болж, хүний эрх, эрх чөлөө баталгаажих үндэс тавигдаж, зах зээлийн харилцаа төлөвшин буй гээд сүүлийн жилүүдэд бидний ололт амжилт чамгүй. Үүнийг олон улсын хамтын нийгэмлэгт ч хүлээн зөвшөөрч төр, улсын маань нэр хүнд өсч байр суурь нь бэхжиж байна. Гэлээ ч бидний цөөн монголчууд нийгмийн хөгжлийн эндэгдэл, завхралыг үтэр түргэнээр засч залруулах эрх чөлөөтэй, чинээлэг амьдралыг цогцлуулахаар нэгэн зэргээр зориглон хөдөлсний үр дүн ийнхүү нааштай хэдий ч санасандаа тэр бүр хүрсэнгүй. Дэлхий дахиныг удаа дараа нөмөрсөн эдийн засаг, нийгмийн хямрал, цаг уурын дулаарлаас үүдэлтэй экологийн доройтол, ган зудын хөнөөлт үр дагавар, төр засгийн бодлогын алдаа зэрэг хүнээс өөрөөс нь хамаарах, үл хамаарах хүндрэл бэрхшээлийн улмаас улс орны эдийн засаг нийгмийн тогтвортой хөгжилд хүрсэн нь үгүй, хүний эрх, эрх чөлөөний баталгаа төгс бүрдээгүй байна.